Учениците од прво до петто одделение со нивните наставници при ОУ „Лирија“ денеска организираа Хуманитарен Велигденски панаѓур.
Во училиштето деновиве тие направиле голем број предмети покажувајќи ја својата креативност и спојувајќи ги идеите и замислите на тема Велигден правејќи разни кошнички, украси, хартиени петлиња и зајчиња, куќички и уште многу други видови убави предмети.
Своите избработки, учениците ги понудија на големиот број посетители на панаѓурот, а собраните средства од продадените предмети ќе бидат дадени во хуманитарни цели.
Оваа активност е убава прилика учениците да стекнат и научат позитивни особини и вредности, порачаа од училиштето.
-Иницијативата за овој Хуманитарен Велигденски панаѓур произлезе од одделенска настава, со цел да се развие креативноста кај учениците, соработка, другарство и развивање на хуманост уште од најмали нозе. По иницијатива на учениците и одделенските наставници решивме ова да биде хуманитарен панаѓур и средствата да се донираат во СОС Детско село. И ученици од предметна настава учествуваа на панаѓурот.Затоа оваа прилика би ја искористила да се заблагодарам на сите родители, ученици и наставници кои помогнаа да се реализира овој Хуманитарен Велигденски панаѓур, изјави Виолета Трајкоска, пом-директор на ОУ „Лирија“.
Голем беше и интересот на родителите и роднините на учениците да дојдат и да купат креативни изработки во пресрет на празниничните денови и со нив да ги разубават своите домови.
ас
