Деветчлената екипа на тетовската противпожарна единица е во Адијаман, турскиот град во југоисточниот дел од земјата кој беше меѓу потешко погодените. Таму се поголем дел од македонските противпожарни екипи како и Дирекцијата за заштита и спасување кои вчера на петттиот дел од земјотресот најдоа преживеана 38 годишна жена.
-Градот има 180 илјади жители но целиот е разрушен. Како што одминува времето се повеќе и повеќе се наоѓаат мртви тела по урнатитините. Денеска, сабота, поготово е многу тежок ден за нас. Иако вчера извлековме преживеана жена, денеска многу, околу 20 загинати извадивме од урната зграда. И продолжуваат потрагите, се надеваме дека ќе најдеме повеќе преживеани, информираше Авни Амети, командант на тетовските пожарникари.
Тетовските пожарникари таму пристигнаа на 8 февруари, а утре недлеа 12 февруари треба да тргнат назад. Во Адијаман претежно живее курдската етничка заедница.
