SEEU Tech Park – Тетово во соработка со Фондот за иновации и технолошки развој и Швајцарија преку Програмата за зголемување на пазарната вработливост – ИМЕ, организираат инфо сесија за предизвикот „Со дигитална трансформација до иновација”.
Настанот ќе се одржи на 09.02.2023 година со почеток во 11:00 часот, на Универзитет на Југоисточна Европа – Тетово, зградата на Ректоратот, сала за состаноци. Сите заинтересирани треба да го потврдат своето присуство на следната е-маил адреса: g.rafajlovski@seeu.edu.mk.
На инфо сесијата ќе бидат презентирани деталите од предизвикот, критериумите и начинот на аплицирање од страна на претставници од ФИТР и Програмата за зголемување на пазарна вработливост – ИМЕ.
Предизвикот „Со дигитална трансформација до иновација” е наменет за мали и средни претпријатија од земјоделско – прехранбениот и туристички сектор.
Целта е да се овозможи зголемување на иновативноства и конкурентноста на претпријатијата преку воведување на дигитални решенија кои ќе водат кон дигитална трансформација во нивното работење.
Вкупниот буџет на предизвикот изнесува 18.450.000 денари, а Фондот обезбедува финансирање до 70% од вкупниот буџет за проектот за микро или мало претпријатие, однсоно до 50% вкупниот буџет за проектот за средни претпријатија, во максимален износ од 1.845.000 денари.