Владата и најавениот италијански инвеститор фирмата ТехноАлпин преку прес-конференцијата информираа за стратешката инвестиција на Попова Шапка, првата фаза со 55 милиони евра или вкупна инвестиција од повеќе од 180 милиони евра во следните шест фази.
Во рамки на инвестицискиот план е изградба и на нова жичара (гондола) од Тетово до Попова Шапка, како и три нови паркиралишта со што би е решило прашањето на безбеден транспорт до ски -центарот и би се избеглала транспортнта гужва.
-Ќе се интегрираат постојните падини, а понатаму ќе се направат и нови 16 ски- падини и развивање на ски-центарот кон северниот дел. Ќе се изградат 9 нови жичари, а на почетокот од реализацијата на проектот ќе се направат две од нив. Во првата фаза ќе се изградат системите за вештачки снег, целосно автоматизирани и да бидат поврзани со софтверот на компанијата ТехноАлпин со што ќе се гарантира отворање на сезоната на почетокот на декември, а затворање на ски-сезоната кон крајот на месец март. Понатаму во нашиот план е предвидено и изградба на 2 планинарски дома со капацитет од 160 легла. Важно е да се искористи не само зимската сезона туку и летната, па затоа би инвестирале во изградба на алпски жичарници коишто ќе бидат близу до езерата како и нови велосипедски патеки, истакнуваат од компанијата ТехноАлпин.
Понудениот инвеститор, компанијата ТехноАлпин од Италија го презентираше проектниот мастер план, којшто се состои од 7 фази на реализација, а првата е предвидена во следните 5 години со интегрирање на постоечките капацитети на Попова Шапка и изградба на нови ски-стази и жичари.