За неколкуте места низ Тетово каде приватници наплаќаат паркинг, од ЈП„Градски Паркинг“-Тетово велат дека не се во нивна надлежност, а за тоа треба да постапуваат другите служби. Директорот Игор Додевски рече дека во рамки на Општината ги информирал Општинскиот инспекторат и градоначалникот.
-Треба да видите со друг сектор, јас немам надлежности. Сите овие прашања ќе ги упатите до инспекторатот. Ниту знам, ниту имам поим кој ги раководи, како ги раковиди,. Од наш интерес како градски паркинг не ни се такви места. Ниту поддржуваме такви места, ниту викаме правите или не правите. Дадена е информација до инспекторатот уште на координација со градоначалникот го истакнав ова што го прашувате и се надевам дека неделава ќе биде решено, истакна Додевски на новинарско прашање на денешната прес-конференција посветена на нов вид казни поради неправилно паркирање.
Делумното обележување на зонските паркинг места е завршено поради недостиг на средства. Ќе продолжи догодина.
-Сектор за комунални дејности изврши фарбање на паркинг места, донекаде се завршија колку имаше средства, оваа година имаше два пати избори, криза во Советот. Се надевам дека 2023 ќе биде многу поодбра за таа работа. Не само тие места туку и за инвалидизирани лица. Ќе помогнеме уште повеќе со нови сообраќајни знаци, со нови обележани паркинзи, рече Додевски.
Долговите се вратени, па сега Додевски се надева дека ќе има простор за реинвестирање во опремата и средствата за работа во претријатието.
-Не е помината кризата. Оваа година трпиме многу работи, со едно возило возиме цело време, треба да вложиме средства во самото претриајтие, ни требаат нови возила, нови паркинзи, нови рампи кои седат 10 години овие средства наместо ние да ги реинвестриаме годинава, моравме да ги враќаме за некој претходно што правел тоа што правел, истакна Додевски.
Тој потсети дека се оформени околу 300 паркинг места на повеќе места низ градот каде сега се наплаќа зонско паркирање, како и две паркинг места кои се резервирани само за резиденти-станари.
ас