Општинскиот комитет на ВМРО ДПМНЕ Тетово преку соопштение информира дека најавата на нивните советници за почеток со работа на капелата кај православните гробишта ќе се реализира од понеделник 10 април.
-Сакаме да ја информираме јавноста дека поправките и опремувањето на капелата се завршени. Комплетирани се сите административни процедури и капелата ќе отпочне со работа од 10.04.2023 година. ВМРО-ДПМНЕ стои на дадениот збор и делата се видливи на терен.Без премногу помпезни ветувања,ние изнаоѓаме решенија за вистнски проблеми на нашите граѓани.
Оваа година нашата енергија ќе биде насочена кон решавање на вториот проблем кој го имаат тетовци,а тоа се градските гробишта во село Фалише каде ќе се работи на подобрување на инфраструктурата за да се овозможи достојно почивалиште на упокоените, како и реконструкција на инфраструктурата во стариот дел на Тетово. Не сме исти, ние стоиме до дадениот збор! Ние секогаш сме на истата страна со народот, се вели во соопштението на ОК ВМРО ДПМНЕ