Со осум медали се вратија од Белград каратистите на тетовскиот клуб Басаи. Учествуваа на традиционален меѓународен турнир „Маваши Мб спорт Београд 2023“.
-Карате клубот Басаи од Тетово, беше единствениот представник од нашата Република на големиот традиционален меѓународен турнир „Маваши Мб спорт Београд 2023“, кој се одржа вчера во Белград. Во исклучително тешка и многубројна конкуренција, каратистите на карате клуб Басаи од Тетово освоија 8 медали во 8 различни возрасни категории: Софија Трајческа 3-то место (полетарке 2015), Михаил Захариески 2-ро место (надежи, машки 2011), Дори Пауновска 3-то место (надежи, женски 2011), Давид Јаќимовски 3-то место (надежи, машки 2010), Ема Трајческа, 3-то место (кадетки ) Јован Хаџиев 3-то место (кадети), Ивица Милески 1-во место, ветерани, + 85 кг и Перица Ацески 2 место, ветерани, апсолутна категорија, информираше Зоран Стојановски, тренер на КК Басаи.
На турнирот учествуваа 524 натпреварувачи од осум држави: Белгија, Грција, Бугарија, Србија, Хрватска, Словенија, Црна Гора, Босна и Херцеговина и Македонија.
