Голем број реакции до нашата редакција за општината и селективноста во ослободувањето на јавните површини кои се узурпирани од тезги, летни бавчи и слично, откако се пофалија од локалната власт дека се отстранети дваесетина киосци.
На прашањето кога и како ќе се отстранат и другите нелегални продавчи на импровизирани тезги, летни бавчи на тротоари и јавни површини градоначалникот Биљал Касами на последната годишна средба со новинарите рече дека тоа е постојана и секојдневна борба.
– Нашите инспектори се секој ден на терен, но за жал поради фактот со години, со децении наназад луѓето се научени да ги зафатат и узурпираат јавните површини, а ние секој ден таа ги тргаме утредента пак ги враќаат. За жал, и тука не се јасни надлежностите на општината, затоа што во поголемиот дел не можеме да интервенираме без поддршка на полицијата, а за жал, полицијата не помага во насока на нашиот интерес да имаме уреден град да имаме, чисти тротоари, чисти улици. Значи сè додека нема продолжување на процесот на децентрализација во делот на проширување на ингеренции на градот и во овој дел ние не ќе можеме посериозно да се соочуваме со овој проблем, затоа што реков, значи ние секој ден ги тргаме и секој ден се враќаат пак назад, затоа што општината нема можност по ригорозно да интервенира и да ги казни несовесните граѓани, истакна Касами.
Градоначалникот вели нема доволно соработка со централната власт. Законот за комунална полиција е заглавен во Владата, а изрази надеж дека по следните избори ќе имаа подобра комуникација.
– За жал, ние еве во моментот прекинавме со расчистување на јавните површини. Затоа што последните обиди за да се продолжи со акцијата не ни беа успешни затоа што полицијата не бојкотира. Во два наврати излегуваме на терен, полицијата место да асистира на општинската инспекција, полицијата стои. И индиректно ги поддржува узурпаторите, истакна Касами.
Општинскиот инспекторат подигна десетина киосци на улицата „Димо Гавровски-Кара“ па сега се анализира дали ќе се пробие улицата и ќе се спои со булеварот или ќе се преуреди просторот.
А.С