Вчера (11 јануари) од 11 до 15 часот на поширокото тетовско подрачје спроведена е засилена акциска контрола на возачите и нивните обврски кон пешаците, информира СВР Тетово.
-При контролата откриени и санкционирани биле 6 возачи кои не ги пропуштиле пешаците на обележани пешачки премини, а на кои им се изготвени поднесоци и кои ќе се соочат со парична глоба од 250 евра во денарска противвредност, како и со заштитна мерка – времена забрана за управување на возилото од три месеци до една година. Откриени и санкционирани биле и 16 други видови сообраќајни прекршоци, додека поради непрописно, односно погрешно паркирање од тетовската „пајак-служба“ вкупно биле подигнати 20 возила, најмногу во централното градско подрачје.
Вчера, исто така, од 6 до 10 часот во засилена контрола на гостиварското подрачје биле откриени и санкционирани 3 возачи кои непрописно престигнувале и обиколувале и на кои им се изготвени поднесоци.
Контролните активности на тетовско-гостиварското подрачје ќе продолжат и во наредниот период, со цел навреме да се откријат и ефикасно да се отстранат и санкционираат различните видови сообраќајни прекршоци и да се придонесе за поголема безбедност на патиштата, соопшти СВР Тетово.
