Вчера (28 февруари) од 10 до 16 часот на подрачјето на СВР Тетово спроведена е акциска контрола во која посебен акцент им бил ставен на два вида сообраќајни прекршоци-користење, односно некористење на сигурносен појас и користење на мобилен телефон во возење.
Притоа, откриени и санкционирани биле 33 возачи (ТЕ-27 и ГВ-6) кои зборувале на мобилен телефон и 39 возачи (ТЕ-33 и ГВ-6) и 14 совозачи (ТЕ) кои некористеле сигурносен појас, како и 4 возачи (ТЕ-2 и ГВ-2) кои ги управувале возилата без потребната возачка дозвола.
Покрај ова, санкционирани, исто така, биле и 7 технички неисправни возила (ТЕ-1 и ГВ-6).Пет од нив (ГВ) имале неисправен уред за управување, 1 (ТЕ) неисправни сопирачки и 1 (ГВ) неисправни други уреди и системи. Технички неисправните возила веднаш се исклучени од сообраќај, а на сите возачи-прекршители изготвени им се поднесоци по Законот за возила и Законот за безбедност на сообраќајот на патиштата.
