Концерт по повод 20 години од основањето на Македонско – хрватското друштво во Тетово, ќе се одржи вечерва (9-ти септември), во ЦК „Иљо Антески – Смок“, со почеток во 19 часот. Влезот е слободен.
Покрај гостите од Хрватска, на настанот ќе настапи и триото „Nameless“ од Тетово.
Женската клапа која е основана во 2016 година во Загреб брои 8 членки кои доаѓаат од Далмација, додека пак КУД „Стјепан Радиќ“ (основан во 1996 година) брои над 50 членови, со активна танцувачка група и мандолински состав.
На настанот, меѓудругото, ќе се обрати и поранешната пратеничка во Европскиот парламент, Маријана Петир, која во 2016-та година во Брисел ја формираше групата на европратеници за поддршка на Македонија.
Ова е прв настан од серијата манифестации посветени на јубилејот 20 години МХД во Тетово, а во периодот што претстои ќе се продолжи со свечена академија, изложби, промоции и други културно – уметнички настани.
