Екипата на кошаркарскиот клуб Тетекс ги започна подготовките за претстојното натпреварување во Втората лига сезона 2023/2024. Натпреварите почнуваат во октомври.
-Подготовките и тренирањето ќе се извршуваат на теренот на отворено на Спортскиот центар. Од наредната недела почнуваме да тренираме комбинирано и на отворено и во спортската сала на економското училиште. Во екипата повратниците се Марио Шуменковски и Мирослав Симјановски кои минатата сезона беа во други второлигашки екипи. Амбициите се колку можеме да повеќе да напредуваме на табелата во Втора лига, информираше тренерот на екипата Никола Ристовски.
КК Тетекс има и две младински екипи кои се натпреваруваат во категориите М16 и М12. Новитет е формирање на женска младинска екипа.
Тетекс минатата сезона ја освои Третата лига и се пласираше назад во Втора лига. Во финалниот натпревар за пласман беше подобра од Мега Баскет од Прилеп, славејќи со резултат 68:56. Претходно беше совладана на два пати екипата на Феникс Баскет.
ас
