Сите учениците од прво до деветто оддление учествуваа во креативни работилници по светските денови на јаболкото и здравата храна изминатива работна недела. Учениците преку овие активности покажаа голема креативност.
-Цела неделава имавме воннаставни активности кои се вклучија учениците преку креативни работилници. Навистина беа многу радосни и креативни, се вложија, си дадоа максимум. Резултатите се гледаат. Беа вклучени и родители кои со своите изработки на пити и колачи од јаболка дадоа голем придонес оваа манифестација да се заокружи денеска, информира настаничката-ментор Наде Антовска.
Учениците направиле цртежи, изработка на 3Д форми од глинамол, изработка на 3Д форми на јаболка од хамер хартија, како и голем број литературни творби изработено.
-Учениците од осмо одделение направија истражување за јаболкото и заеднички изработија есеј. Вакви творби направија сите од осмо одделение, односно на двата настави јазици,а воедно и една содржина на англиск јазик, информира наставничката.
Освен што изработиле повеќе работи поврзани со јаболкото, учениците и неделава ја посветија на конзумирањето на ова овошје.
-Некои од учениците се потрудија да поделат јаболка и да го јадат ова овошје под мотото „Јади јаболко секој ден за бидеш здрав како дрен“. Родителите од петто-два изработија домашни благи работи во кои има и јаболко, како ванилици со јаболко, бомбици со јаболко, пита со јаболка и торти. Сите тие ги поделија во училиштето и имаше изненадување за директорката Дијана Петровска, изјави наставничката Наде Антовска.
Покрај овие две светски денови, училиштетот организираше и активности по повод Денот на европска мобилност Вело-училиште, и одбележување на детска недела со прием на првачињата о во детска организација. Ваквите активности ќе продолжат и во наредниот период.
