Културно уметничкото друштво „Кирил Пејчиновиќ“од тетовско Теарце во сабота 16 септември организира мултиетнички целовечерен концерт и саем на традиционална храна и рачни изработки. Активностите ќе се одржат во спортската сала на ОУ „Кирил Пејчиновиќ“ во Теарце.
-Со оглед на мултикултурниот карактер на концертот пред публиката ќе се претстават културно уметничките друштва со членови од македонска, албанска, ромска и турска етничка заедница. Ќе настапат КУД „Кирил Пејчиновиќ“, КУД „Јехона“, КУД „Џеладин Зеќири“, КУД „Пралипе“. На концертот секое од културно уметничките друштва ќе се претстави со свои кореографии и постановки, информираат од КУД „Кирил Пејчиновиќ.
Саемот почнува во 17 часот, а концертот од 18 часот. Влезот во спорската сала е бесплатен.
ас
