Центарот за управување со кризи (ЦУК) информира дека локализиран е шумскиот пожар над селото Ѓермо, Општина Тетово на подрачје на Национален парк Шар Планина што започнал во текот на вчерашниот ден.
„Регионалниот ЦУК Тетово, известува дека пожарот што започна во текот на вчерашниот ден над село Ѓермо, Општина Тетово на Национален парк „Шар Планина“ е локализиран. Само на едно место има малку чадење, а интервенираат на терен две лица од националниот парк за целосно да биде целосно изгаснат. Со пожарот била зафатена букова шума, папрат и сува трева. Зафатената површина со пожарот и материјалната штета дополнително ќе бидат утврдени, информираат од ЦУК.
Инаку, низ Македонија, според ЦУК, биле изгаснати 10 од вкупните 13 пожари на отворен простор, во последното деноноќие, од кои еден помеѓу Тетово и Карпалак каде горела ниска вегетација.
ЦУК апелира и потсетува, да не се пали вегетација на отворено, за редовно чистење на локалните одводни канали, а и да не се фрлаат отпадоци во нив
Во ЦУК имало вкупно 2160 повици на единствениот повикувачки број за итни случаи 112 од кои полиција биле упатени 63,56%, кон Итната медицинска помош 28,81% а кон пожарникарите 7,63% од реалните повици