Националната установа Тетовски Театар вечерва е домаќин на репризното издание на претставата „Малограѓанска свадба“ од Бертолт Брехт, а во режија на Теа Беговска од Драмски Театар Скопје. Оваа драма премиерно беше изведена на 16 и 17 декември 2022 во Центарот за култура „Иљо Антески-Смок“- Тетово.
-Среде свадбена вечера каде што публиката е сведок на времето, времето сега и овде, толпа малограѓани ја рушат идеалната слика за брак претворајќи ја во гротеска. Во нашиот простор и време секојдневно ја храниме малограѓанштината, ја одржуваме во живот, ја негуваме, и’ се смееме, вперуваме прст во неа и истовремено ја прифаќаме. Нашата приказна завшрува таму каде што не постои простор и време, завршува таму каде што животот трче без престан, таму каде што се’ сакаме да чуеме, а не слушаме, таму каде што се’ сакаме да видиме а не гледаме. Таму каде што се’ повеќе дибива смисла паролата на Брехт – ” Државата ни пропаѓа, а вие – државата ни пропаѓа, велат од Тетовски Театар за суштината на театарската изведба на драмскиот текст.
Улогите ги толкуваат Арсим Калеци, Ирена Мирческа, Миа Кантарџиева Петровска, Ѓорѓи Нешкоски, Елмир Сејфулаи, Гордана Ендровска, Арѓенд Хасани и Беким Смаили. Претставата ќе се изведе на македонски јазик, а почетокот е предвиден за во 20 часот.
ас
