СВР Тетово информира за сообраќајна незгода во Џепчиште, како и за едно приведување на 39 годишник од Тетово.
-Вчера (21 мај) во 21 часот и 20 минути во СВР Тетово пријавено е дека на регионалниот пат Тетово-Јажинце, во Џепчиште, се случила сообраќајна несреќа во која учествувале две патнички моторни возила со тетовски регистарски ознаки, „фолксваген тигуан“ управуван од Б.Б.(68) и „фиат“ што го управувал Н.Н.(74), двајцата од ова село и мотоцикл со тетовски ознаки, управуван од малолетник од истото село. Во несреќата, малолетникот и 21-годишниот сопатник од мотоциклот А.М. од Џепчиште се здобиле со тешки телесни повреди констатирани во тетовската Клиничка болница. На местото на несреќата увид извршила екипа од Секторот за внатрешни работи Тетово, информирата од СВР Тетово.
Според информациите од СВР Тетово десетина минути по полноќ, полициски службеници на СВР Тетово на улица „Илинденска“ во Тетово го привеле 39-годишниот тетовец А.Л. затоа што се однесувал агресивно кон полициски службеници кои извршувале службени дејствија. По целосно документирање на случајот А.Л. ќе се соочи со поднесок, информира СВР Тетово.
