Масовна посета на традиционалниот начин на одбележување на Благовештение (Благоец) во тетовски Јелошник
Над стотина православни верници денес дојдоа во Јелошник за да учествуваат на традиционалниот начин на празнување на Благовештение (Благоец). Во црквата на Пресвета Богородица, беше свештеникот отслужи водосвет и ги благослови славските лебови.
Насобраните верници потоа од пред селската црква се упатија кон месноста Благовештение-Црквиче, каде се наоѓа манастирската црква која е изградена во карпа. До таму има еден час одење пеш низ шумата, а главниот народен обичај на прославување на овој празник е тоа што се се послужува леб, сол, кромид и вино, што ја претставува посебната традиција на одбележување.
Традицијата е востановена така што на овој празник, испосник, руски монах, кој престојувал во црквата, од мештаните барал да му донесат само посно јадење, поточно леб, кромид и сол. Кога мештаните ќе дошле до црквата монахот ги благословувал нив и јадењето. По кусата посета и закуска луѓето заминувале. Затоа е обичајот да се дојде до тука и да се јаде посна закуска и да се вратиме назад во селото, порачуваат од црковниот одбор.
На крај, сите што го поминале патот по враќањето во селото три пати ја обиколуваат црквата Света Богородица во Јелошник. Голем дел од куќите во Јелошник денешниот празник го честуваат како домашна слава.
ас
фото Црковен одбор Јелошник