Тетовскиот музичар Глигор Кондовски создаде десет композиции за новиот албум со инструментална музика насловен „Средба“ / Encounter. Нумерите се создадени со пијано, звуци, електроника и виолина.
-Албумот е создаден со мотото „Сеуште сонуваме за подобар свет“Амбиентално кој потсетува на филмска музика. Секоја композиција носи своја приказна. Секогаш живееме во сериозно време каде уметноста е таа која се бунтува и пренесува сериозна приказна, таа која се труди да ги подобри работите во општеството и културата во која живееме. Насловот: Средба/ Encounter е наслов поврзан со средбата со себеси, тоа што кај човекот денес недостасува, да се сретне со себеси, за да може и средбата во социјализација со останатите луѓе е создадавање на поубав свет околу него, порачува авторот.
Албумот е под издание на PMG JAZZ, на продуцентите Мирко Попов и Владан Дробицки. Може да се најде на bandcamp платформата: https://pmgjazz.bandcamp.com/album/encounter
