Нова пријава од повредени жители на Тетово поради бездомни кучиња
Четириесетгодишниот тетовец Г.Ј., вчера (9 мај) во 12 часот и 10 минути во СВР Тетово пријавил дека на улица „Благоја Тоска“ во Тетово бил каснат од куче скитник, информира полицијата.
Според статистиката на СВР Тетово во текот на 2023 година досега се бележат 40-тина пријави од граѓани кои биле каснати од бездомни кучиња.
Во 2022 евидентирани се 59, а во 2021 година имало 66 пријави од граѓани дека се нападнати од кучиња скитници.
