Во рамките на спроведената акциска контрола на возила кои вршат јавен превоз, вчера (9 мај) околу 7 часот и 30 минути на улица „Маршал Тито“ во Тетово запрено е патничко моторно возило „мерцедес спринтер“ со тетовски регистарски ознаки, управувано од 40-годишник од тетовско Подбреѓе. Возилото било управувано без потребните документи за вршење на јавен превоз и на возачот ќе му биде изготвен поднесок по член 284-а од Кривичниот законик, информира СВР Тетово.
Вчера (9 мај) од 14 до 20 часот на подрачјето на Секторот за внатрешни работи Тетово спроведена е акциска контрола, во која биле откриени и законски санкционирани 2 технички неисправни возила (ТЕ-1 и ГВ-1), кои имале неисправни сопирачки (ТЕ) и уред за управување (ГВ). Двете неисправни возила веднаш се исклучени од сообраќај и на возачите изготвени им се поднесоци. Санкции биле изречени и на 1 возач (ТЕ) кој управувал возило без возачка дозвола, 1 возач (ГВ) со важечка забрана за управување возило и 13 други видови прекршоци (ТЕ-12 и ГВ-1) кои се однесувале на возачи.
При контролата, исто така, откриени се и 17 (ТЕ) непрописно, односно погрешно паркирани возила, кои се и подигнати од тетовската „пајак-служба“, како и 2 други видови сообраќајни прекршоци (ГВ). Секторот за внатрешни работи Тетово уште еднаш со апел навреме да се проверува техничката исправност на возилата и да се отстранат евентуалните недостатоци од ваква природа и карактер, да не се седнува зад волан без положен возачки испит или со важечка забрана за управување, но и прописно да се паркираат возилата на наменски определените места. На возачите им се укажува да избегнуваат паркирање во таканаречени „двојни редови“.
