Во рамките на новиот превентивно-едукативен проект на СВР Тетово “Сообраќајна култура и младите во сообраќајот” денеска (14 октомври) се одржа уште едно од серијата предавања, овој пат во основното училиште “Гоце Делчев” во Тетово.
-Предавањето го следеа 20 деветтооделенци од ова училиште, кои поблиску беа запознати со основните сообраќајни поими, знаци и правила, но и со тоа- како безбедно да управуваат велосипеди и електрични тротинети и како безбедно да се движат по улици и патишта на кои нема обликувани тротоари.Учениците,пак, поставуваа повеќе прашања поврзани со темата на кои добија исцрпни одговори, информираат од СВР Тетово.
Проектот чиј носител е Отсекот за превенција на СВР Тетово ќе трае до крајот на годинава и со него ќе бидат опфатени деветтооделенците од над 60 основни училишта на тетовско-гостиварското подрачје.Негова приоритетна цел е подигнување на сообраќајната свест и култура на младите во Полошкиот регион.
