СВР Тетово информира дека полицајци од 24 до 5 часот спровеле акциска контрола на возачи кои ги управуваат возилата под дејство на алкохол. При контролата биле откриени и санкционирани 17 возачи кои управувале под дејство на алкохол (ТЕ-9 и ГВ-8).
Сите возачи-прекршители веднаш се исклучени од сообраќај и времено им се одземени нивните возачки дозволи, а изготвени им биле и соодветни поднесоци со законски предвидените парични глоби и забрани за управување од три месеци до една година, зависно од степенот на алкохолизираност.
-Секторот за внатрешни работи Тетово повторно со апел до возачите да бидат докрај одговорни во сообраќајот и да се воздржат од консумирање алкохол додека возат или ако веќе консумирале, да не седнуваат зад волан. Зашто, алкохолот ја намалува способноста за нормално и безбедно управување и ја доведува во прашање нивната и безбедноста на другите учесници во сообраќајот. Се апелира, исто така, да не се управува и без положен возачки испит, а возачите-почетници да се придржуваат на сите ограничувања предвидени за оваа категорија учесници во сообраќајот, порача порпаролот на СВР Тетово, Марјан Јосифоски.
При контролата, исто така, со поднесоци биле санкционирани и 18 други видови сообраќајни прекршоци (ТЕ-10 и ГВ-8), меѓу кои најчест прекршок бил управување без положен возачки испит и валидна дозвола (ТЕ-9 и ГВ-2).