Од понеделник за прв пат во Тетово ќе почнат да функционират затворени паркинзи кои се наменети само за станарите на таа локација.
Станува збор за две места во градот каде и досeга се паркирале возачи, по што беа уредени како паркинг места само за станaрите кои ќе треба да платат за тоа. Од општинското претријатие бараат останатите граѓани таму да не паркираат бидејќи возилата ќе се отстрануваат со „пајак“-службата.
-Од 14.11.2022 година (понеделник) ќе започнат да функционираат паркинзите за резиденти спроти ОУ „Лирија” и позади ресторан „Боката”. Ги замолуваме граѓаните кои не се резиденти, односно оние кои немаат соодветни лепенки, да не се паркираат на овие паркинзи. Во спротивно, возилата ќе бидат блокирани и подигнати од пајак службата и санкционирани согласно тарифникот на ЈП “Градски паркинг”- Тетово, информираат од претријатието.
На двете локации има 32 и 40 места за паркирање. Граѓаните ќе треба да платат 5000 денари годишно за резидентно паркинг место.
ас
