Во Тетово со концерт насловен „Под златното сонце“ се одржа одбележување на 20 години од основањето на Македонско-хрватското друштво во Тетово.
Во пригодните обраќања по повод јубилејната годишнина се обратија почесните гости поранешната европратеничка од Хрватска, Маријана Петир и амбасадорката на Хрватска во Македонија, Нивес Тигањ, кои зборуваа за пријателството и соработката помеѓу двата народи и држави.
-Пријателството меѓу Македонија и Хрватска се согледува со конкретни дела. Тешко кој друг народ покрај Хрватите може да разбере со кои потешкоии се соочува Македонија особено последните две децении бидејќи со слични предизвици се соочивме и двете земји. Се противев и ќе се противам и понатаму на неправедните притосоци врз Македонија од различни страни бидеејќи од тие притисоци гледаме негативно влијание врз целокупното општество, посочи Маријан Петир.
-Видовме одличен настап на македонската и хрватска музика и тоа покажува колку се двете држави многу блиски во сите сегменти, па и во музиката. Освен 20 години на Македонско-хрватско друштво во Тетово, оваа година ние бележиме и 30 години од билатерални односи меѓу Македонија и Хрватска. Двете држави успеаа придонесат за квалитетна билатерална соработка во сите сектори. Денес со гордост може да кажеме дека двете држави делат долга традиција на пријателски релации и имаат одлични партнерски односи. Националните малцинства се мост кои не спојуваат, двете држави. И Владата на Северна Македонија помага на хрватската заедница, порача амбасадорката Нивес Тигањ.
Претседателот на Македонско-храватско друштво Недиљко Ромац зборуваше за работата и активностите на друштвото.
-За сите тие работи морам да се заблагордам на сите наши членови и соработници на сите кои придонесоа да нашето друштво опстои после толку години. Благодарност и за амбасадата на Хрватска во Македонија и државната канцеларија за Хрвати. Две работи морам да ги напоменам кои се однесуваат на нашата работа. Тоа е Croatia.mk прва информативна платформа на хрватски јазик каде може да се информирате за сите активности на Хрватите во Македонија. Втора платформа е Архивата на Хрватите во Македонија, прва дигитална платформа преку која се врши дигитализација и систематизација на најзначајните трудови, автори, личности и настани кои го потврдуваат постоењето и успесите на Хрватите на теторијата на македонската држава, но и свесно ја потенцираат историската соработка и врски помеѓу двата народa, посочи Ромац.
По свечената академиија одбележувањето на јубилејната годишнина продолжи со настап на триото „Нејмлес“ од Тетово, женската клапа „Фигурин“ од Загреб и КУД „Стјепан Радиќ“ од Дубровник.
Ова е прв настан од серијата манифестации посветени на јубилејот 20 години МХД во Тетово, а во периодот што претстои ќе се продолжи со свечена академија, изложби, промоции и други културно – уметнички настани.
ас