Јавното претријатие „Градски паркинг“ од Тетово информираше дека наскоро ќе почне да се наплаќа паркирањето околу комплексот „Ловец“ во градот што ќе биде опфатено во зоната Б. За станарите околу комплексот се предвидени годишни карти.
-Наскоро почнува да функционира уште еден паркинг простор “Б9”околу комплексот “Ловец”. За таа цел, вечерва (31.08.2022) ќе се изврши миење на улицата, а утре( 01.09.2022) во 09:00 часот наутро ќе започне обележувањето на паркинг местата. Ве замолуваме за трпение и во овој период да не ги паркирате автомобилите, информираа од ЈП Градски паркинг.
Станарите кои живеат во околните згради можат да аплицираат за годишна паркинг карта.
-За годишна паркинг карта е потребно е да ги достават лична карта, сообраќајна дозвола и имотен лист не постар од шест месеци. Копии од документите ќе можат да се достават во просториите на претпријатието, почнувајќи од 15.09.2022 до 25.09.2022 година, информираат од претријатието.
Согласно тарифникот, годишната претплата за паркинг изнесува 3000 денари годишно за прво возило и 7000 денари годишно за второ возило.