Во текот на првото полугодие од оваа учебна година учениците од петто одделение од ООУ „Гоце Делчев“-Тетово заедно со одделенскиот наставник-ментор Соња Трифуновска беа дел од проектот Волшебна интеркултурна мрежа на пријателство-модул 5.
Овој меѓународен проект во кој се вклучени многу земји од целиот свет има за цел да ја реализира четвртата цел од седумнаесетте цели за одржлив развој на ОН, а тое е квалитетно образование.
Според зборовите на наставничката Соња Трифуновска со вклучувањето во овој проект нејзините ученици имаа можност да шират пријателства со деца од целиот свет и да дознаваат за културните различности, но исто така и да ги развиваат кај себе квалитетите како личност: љубопитност, самодоверба, одговорност, оригиналност, упорност, доверба, одлучност, снаодливост и креативност. Основач на овој проект е Жељана Радојчиќ Лукиќ, а координатор за Македонија Весна Бошковска.