Во тетовско Сараќино беше извршено симболично пуштање во употреба на реконструираниот локален пат што го поврзува селото со регионалниот пат Р402 (Тетово-Скопје).
Средства во висина од над 300 илјади евра за оваа обнова на 1500 метри долгата делница се обезбедија од државниот буџет преку Бирото за регионален развој.
-Го пуштаме во употреба овој голем проект и значаен за овој регион. Проектот е реализиран во соработка со Општина Тетово, а финансиран преку Владата, Министерството за локална самоуправа и Бирото за регионален рамномерен развој . Вредноста е над 300 илјади евра, а опфаќа проектот атмосферска канализација, афалтирање на патот, троатоари, улично осветлување. Иако е време на криза Владата дава напори и можности да инвестира и одвоиме средства за капиталните инвестиции се со цел подобар квалитет на живот на граѓаните и да им помогнеме на градежните фирми да опстојат во време на криза. Ова беше барање на овие жители, барање од претседателот на огранокот на СДСМ од оваа населено место па и сите граѓани од овој регион. Дваесет години во ова село не е инвеститирано. Да го употребат за добри работи, изјави Рамиз Реџепи, директорот на Бирото кој заедно со пратеничките Фаница Николовска од СДСМ и Фиснике Бектеши Шаќири од ДУИ извршија симболично сечење на лента.
Бирото за регионален развој во текот на 2023 година очекува одобрување од Владата буџетот од околу 15 милиони евра за реализирање на капитални инвестиции.
ас
