In memoriam: На 82 години почина д-р Петар Перо Ѓорѓевски, истакнат македонски орален хирург, основач на стоматологијата во Тетово
-Со огромно жалење ве известуваме дека денес по тешко боледување почина д-р Петар Перо Ѓорѓевски, истакнат македонски орален хирург, основач на стоматологијата во Тетово. Автор на бројни трудови од областа на стоматологијата, како и добитник на голем број општествени и стручни признанија на општинско и државно ниво. Покрај големата посветеност на професијата и работата, беше и голем љубител на книжевноста и пишаниот збор, како и страствен вљубеник во планинарењето, врвот Љуботен и неговото родно место Вратница, информира семејството.
Сочувство во сабота (22.07.2023) во капелата во Тетово од 14.00 до 15.00, а погребот ќе биде во 16.00 на гробиштата во с. Вратница.
