Денес почна асфалтирањето на дел од улицата „Гоце Делчев” од спој со улицата „Иво Лола Рибар” преку Основно училиште „А.С.Ќиќиш” до црквата Свети Никола, во должина од 400 метри.
„За време на нашето владеење докажавме дека секој пат е важен за нас. Денеска започнавме со асфалтирање на патот, за да докажеме дека тоа што го ветивме и го правиме, порача градоначалникот Биљал Касами.
„Ова е ветуван проект на секој изборен циклус, но недопрен со децении. И повторно покажавме дека не сме сите исти. Работиме одговорно, чесно и посветено. Ветуваме дека и останатите проекти предвидени во изборната програма за локалните избори на ВМРО-ДПМНЕ ќе бидат реализирани. Со многу конкретни проекти и дела ќе го подобриме животот на секој жител од секое населено место во нашата општина, истакна советникот Ангел Карапетров.