Соопштение на СВР Тетово 5 декември 2024
Вчеравечер (4 јануари) во 21 часот и 30 минути, Ф.Х.(44) од тетовското село Пирок во СВР Тетово пријавил дека околу 16 часот, пред влезот во дворот на СВР Тетово, физички бил нападнат од Д.Л.(39) од Тетово поради нивни претходни приватни недоразбирања. Со двајцата полициски службеници на СВР Тетово, инволвирани во овој случај, извршен е службен разговор. Во расчистување на случајот вклучен е и Одделот за внатрешна контрола, криминалистички истраги и професионални стандарди.
Дваесет и осумгодишниот тетовец Т.Д., вчеравечер (4 јануари) во 23 часот и 55 минути во СВР Тетово пријавил дека половина час пред тоа во тетовско Желино бил физички нападнат од две лица, кои со такси возило ги превезол од Тетово до Желино, а кои подоцна одбиле да платат за извршената услуга. Се расчистува и документира случајот.
Полициски службеници на СВР Тетово, вчера (4 јануари) со судска наредба извршиле претрес во домот на 44-годишнио тетовец И.М. При претресот бил пронајден и одземен за вештачење пиштол „цз“, калибар 9 милиметри за кој не поседувал дозвола. И.М. претходно е лишен од слобода и сместен во здравствена установа. Се расчистува и документира случајот.
Денеска (5 јануари) околу 8 часот и 30 минути во Тетово, полициски службеници на СВР Тетово го лишиле од слобода 30-годишниот Б.К. од тетовски Челопек затоа што кај него бил пронајден и одземен кокаин. Тој е задржан во Полициската станица Тетово и по целосно документирање на случајот ќе му биде изготвен соодветен поднесок.
Вчера (4 јануари) од 8 до 12 часот на подрачјето на СВР Тетово спроведена е акциска контрола на товарни возила, во која биле откриени и санкционирани 4 возила (ТЕ-3 и ГВ-1) со неисправни сопирачки и 4 (ТЕ) кај кои бил констатиран претовар. Осумте возила се исклучени од сообраќај и на возачите им се изготвени законски предвидените поднесоци. Покрај ова, санкционирани се и 5 други видови сообраќајни прекршоци (ТЕ-3 и ГВ-2). СВР Тетово со повторен апел до сите возачи навреме да ја проверат техничката исправност на возилата што ги управуваат, посебно оние кои се учесници во јавниот превоз на патници. .
Седумдесет и шестгодишниот тетовец А.Ј. вчера (4 јануари) во 9 часот и 55 минути во СВР Тетово пријавил дека на улица „Борис Кидрич“ во Тетово бил каснат од куче скитник.