Соопштение на СВР Тетово за евидентирани настани, пријави и приведени лица
Вчеравечер (29 ноември) во 21 часот и 30 минути во тетовската Клиничка болница бил донесен малолетник од Тетово со повреди од остар предмет, а кои, според пријавеното, во детска игра, на улица „Илинденска“ во Тетово, му ги нанел друг малолетник, исто така, од Тетово. Се расчистува и документира случајот.
Триесет и тригодишниот тетовец И.Д. вчера (29 ноември) во 16 часот и 35 минути во СВР Тетово пријавил дека во угостителски објект во Тетово физички бил нападнат од А.М од тетовско Желино со кого се познавале и имале меѓусебни расправии. Во нападот, според пријавеното, А.М. користел и стаклен предмет. Се расчистува и документира случајот.
Седумдесет и четиригодишна жителка на тетовско село вчера (29 ноември) во 13 часот во СВР Тетово пријавила дека во нивниот семеен дом физички била нападната од нејзината 39-годишна снаа Н.А. Се расчистува и документира случајот.
Вчера (29 ноември) околу 15 часот и 30 минути во Полициската станица Тетово се пријавиле Б.А.(48) и М.А.(53) од тетовско Ларце, кои претходниот ден биле пријавени од 25-годишниот Н.А. од гостиварско Калиште дека околу 20 часот и 30 минути во спортска сала во Тетово, додека извршувал новинарски задачи со негова колешка, му се заканувале, а дека М.А. и физички го нападнал. Се расчистува и документира случајот.
Полициски службеници на СВР Тетово, вчера (29 ноември) околу 15 часот во тетовски Дреновец го лишиле од слобода 50-годишниот тетовец С.А. затоа што кај него била пронајдена и одземена марихуана. По целосно документирање на случајот против него ќе следува соодветен поднесок.
Вчеравечер (29 ноември) околу 22 часот на улица „Браќа Миладинови“ во Тетово, полициски службеници на СВР Тетово ги лишиле од слобода К.Е.(21), Д.Е.(21) и И.С.(21), тројцата од Тетово, затоа што кај нив била пронајдена марихуана. Тие се задржани во Полициската станица Тетово за расчистување и документирање на случајот и ќе им бидат изготвени соодветни поднесоци.