Градоначалникот на Тетово Биљал Касами и министерот за локална самоуправа Ристо Пенов денеска потпишаа договор за кофинансирање на проектот на ИПА Прекугранична програма со Косово 2014-2020 – „Заживување на занаетите и градење култура за заеднички туристички развој”.
Според потпишаниот договор таканаречената „Улица на бутиците“ (улица „Радован Цониќ“) ќе се реконструира, со цел да добие нов лик во насока да се помогне унапредување на занаетчиството.
-За реконструкција на Занаетчиска улица, проект финансиран од европските фондови заедно со Министерството за локална самоуправа, се работи за проект за прекугранична соработка во кој се вклучени Тетово и Призрен во иднина ќе го подобриме инфраструктурата во интерес на развојот на туризмот. Со министерот разговаравме за идната соработка со министерството сигурно сме поврзани во делот на надлежностите кои ги делиме како локална и централна власт. Општина Тетово и јас лично сум заинтересиран за да соработувам и со централната власт, да реализираме проекти кои се во интерес на граѓаните, истакна Биљал Касами.
Министерот Пенов посочи дека има уште многу можности за добивање на средства за општините.
-Тетово е општина која се соочува можеби со најсериозни проблеми пред се од финансиски аспект и целта на оваа наша посета беше да ги воочиме проблемите и да видиме каде може да се бараат излезните решенија и да почнеме еден процес на соработка со потпишување на договорот за реконструкција на ткн. Занаетчиска улица со финансиски средства од ЕУ и на Министерството за лоакална самоуправа. Воедно да разговараме околу нивните можности за грантови шеми во кои Општина Тетово можеда биде вклучена пред се преку Швајцарската програма, преку УНДП,преку другите програми, истакна Пенов.
ас
