Соопштение на СВР Тетово 23 февруари 2024
Триесет и тригодишниот тетовец Х.Г., вчера (22 февруари) во 19 часот во СВР Тетово пријавил дека на улица „Јован Ончевски“ во Тетово бил каснат од куче скитник.
Полициски службеници на СВР Тетово, вчеравечер (22 февруари) околу 21 часот и 30 минути на улица „Илинденска“ во Тетово ги лишиле од слобода О.Ј.(24) и Н.С.(22) од тетовски Требош и малолетник од тетовско Слатино. При нивен и преглед на патничко возило „фолксваген голф“ со една тетовска и една скопска регистарска табличка, во кое се превезувале, била пронајдена и одземена марихуана. Тројцата се задржани во Полициската станица Тетово и по целосно документирање на случајот ќе им бидат изготвени соодветни поднесоци.
Педесет и осумгодишниот тетовец И.М., вчера (22 февруари) во 16 часот и 15 часот во СВР Тетово пријавил дека на 20-ти овој месец околу 17 часот и 30 минути во угостителски објект во Тетово физички бил нападнат од едно лице кое го познавал. Се расчистува и документира случајот.
Вчера (22 февруари) околу 14 часот во Полициската станица Тетово задржани се 21-годишниот Ј.Х. и 37-годишната В.К. од Република Косово, кои претходно биле приведени во Полициската станица за граничен надзор Јажинце поради непријавен престој во државата. На двајцата ќе им бидат изготвени соодветни поднесоци согласно Законот за странци.