Во СВР Тетово пријавено е дека околу 18 часот и 50 минути на 09.01.2023 на крстосницата на улиците „29 Ноември“ и „Видое Смилевски-Бато“ во Тетово, патничко моторно возило „фолксваген голф“ удрило во 18-годишната Е.Н. од тетовско Слатино и го напуштило местото. Во несреќата, Е.Н. се здобила со тешки телесни повреди констатирани во тетовската Kлиничка болница. Увид бил извршен и се преземаат мерки за расчистување на случајот.
Вчера (9 јануари) во 15 часот и 30 минути во СВР Тетово пријавено е дека на паркинг на улица „Киро Ристевски-Дрнц“ во Тетово, патничко моторно возило „цитроен“ со тетовски регистарски ознаки, управувано од 19-годишната тетовка Е.З., удрило во 61-годишната И.С. од тетовска Гургурница. Во несреќата, И.С. се здобила со тешки телесни повреди констатирани во тетовската Клиничка болница. Увид извршила екипа од Секторот за внатрешни работи Тетово.
Вчера (9 јануари) во 11 часот и 30 минути во СВР Тетово пријавено е дека на регионалниот пат Пирок-Тетово, на влезот во тетовска Голема Речица, се случила сообраќајна несреќа во која учествувале две патнички моторни возила со тетовски регистарски ознаки: „мерцедес“ управуван од А.И.(25) од тетовско Горно Седларце и „бмв“ што го управувал 26-годишниот И.Б. од тетовско Боговиње. Во несреќата, сопатничката од возилото „бмв“, Р.Б.(62) од Боговиње се здобила со тешки телесни повреди, а возачот на истото возило се здобил со телесни повреди, констатирани во тетовската Клиничка болница. На местото на несреќата увид извршила екипа од СВР Тетово.