Дваесет и деветгодишниот тетовец Р.Б. ноќеска (22 февруари) во 3 часот и 45 минути во СВР Тетово пријавил дека околу 22 часот и 50 минути физички бил нападнат во возило од три лица, кои ги познавал, на улица „Маршал Тито“ во Тетово. Притоа, двајца од нив му се заканувале со остри предмети. Се преземаат мерки за расчистување и документирање на случајот, информираше денеска СВР Тетово.
Полицијата информира дека вчеравечер (21 февруари) околу 22 часот во тетовски Пирок го лишиле од слобода 23-годишниот С.У. од Пирок. При негов и преглед на патничко моторно возило „мерцедес“ со тетовски регистарски ознаки, во кое се превезувал со уште три лица од истото село, кај него била пронајдена и одземена марихуана. Тој е задржан во Полициската станица Тетово и по целосно документирање на случајот ќе му биде изготвен соодветен поднесок.
