Соопштение на СВР Тетово 6 октомври 2023
Секторот за внатрешни работи Тетово целосно расчисти шест кражби на велосипеди и електрични тротинети. Осомничен дека од јануари досега во Тетово ги извршил кражбите е 19-годишниот А.Г. од Скопје. Тој завчера (4 октомври) околу 14 часот бил лишен од слобода на улица „Маршал Тито“ во Тетово, по што е задржан во Полициска станица Тетово и по документирање на случајот против А.Г. ќе следува поднесок.
Полициски службеници на СВР Тетово вчера (5 октомври) во 18 часот лишиле од слобода малолетник од Тетово поради сомнение дека извршил тешка кражба во угостителски објект на улица „Маршал Тито“ во Тетово. Дел од украдените предмети се пронајдени и вратени му се на сопственикот А.С.(34) од Тетово, а по целосно документирање на случајот против малолетникот ќе биде изготвен соодветен поднесок.