Ноќеска (8 мај) околу 1 часот и 20 минути, полициски службеници на СВР Тетово го лишиле од слобода 31-годишниот тетовец Л.Х. затоа што кај него бил пронајден и одземен кокаин и затоа што претходно агресивно се однесувал во домот. Л.Х. е задржан во Полициската станица Тетово и по целосно документирање на случајот ќе му биде изготвен соодветен поднесок.
Триесет и осумгодишниот Ј.А. од тетовско Желино вчеравечер (7 мај) во 20 часот и 15 минути во СВР Тетово пријавил дека дваесетина минути пред тоа во селото бил физички нападнат од неговиот соселанец И.И.(55), а поради нивни нерасчистени должничко-доверителски односи. Се преземаат мерки за расчистување и документирање на случајот.
Дваесет и двегодишната А.А. од тетовски Челопек, со времен престој во Тетово, вчера (7 мај) во 11 часот и 50 минути во СВР Тетово пријавила дека пред станот во кој живеела физички била нападната од 32-годишната тетовка Ф.Н. Случајот е целосно расчистен и против пријавената Ф.Х. ќе следува поднесок.