СВР Тетово информира дека во изминатите 24 часа се приведени неколку луѓе. Од нив, 41 годишен маж за семејно насилство врз мајката и сопругата. Приведени и се четворица млади луѓе поради најдена дрога. Полицијата бележи и неколку пријави за физички напади.
Вчеравечер (29 март) околу 20 часот и 40 минути, полициски службеници на СВР Тетово го лишиле од слобода 41 годишник од тетовско село, кој претходно бил пријавен од неговата 35-годишна сопруга дека физички ги нападнал неа и неговата мајка. Според пријавеното, во нападот користел и метален предмет. Тој е задржан во Полициската станица Тетово и против К.К. ќе следува поднесок
Полициски службеници на СВР Тетово вчера (29 март) околу 14 часот и 20 минути, на улица „Илинденска“ во Тетово, го лишиле од слобода 26-годишниот тетовец Б.Б., затоа што кај него била пронајдена и одземена марихуана. Тој е задржан во Полициската станица Тетово и по целосно документирање на случајот ќе му биде изготвен соодветен поднесок.
Вчера (29 март) околу 16 часот и 30 минути, на улица „107“ во Тетово, ги лишиле од слобода 32-годишниот тетовец Л.М. и Г.А.(24) и Д.Б.(19) од Република Албанија. При нивен преглед им била пронајдена марихуана, по што тројцата се задржани во Полициската станица Тетово за расчистување и документирање на случајот.
Ноќеска (30 март) околу 1 часот во СВР Тетово пријавено е дека на улица „Илинденска“ во Тетово физички се пресметувале 37-годишниот Б.С. од тетовско Добарце и 45-годишниот тетовец Ф.Р. Случајот целосно е расчистен и на двајцата ќе им бидат изготвени поднесоци.
Четириесет и двегодишната А.С. од тетовско Селце вчера (29 март) околу 13 часот и 50 минути во СВР Тетово пријавила дека нејзиниот малолетен син бил физички нападнат од двајца други малолетници од ова село, а физички напад од истите малолетници врз нејзиниот малолетен син пријавила и 38-годишната Ш.О.
