Центарот за развој на полошки плански регион денеска организираше работилница со цел претставниците на општините да согледаат можности за урбано и сообраќајно планирање во градовите и селата со цел создавање на поквалитетни места за живеење.
Повикани беа национални и меѓународни експерти за сообраќај и урбано планирање кои претставија идеи за подобро урбано планирање и надминување на сообраќајниот метеж во полошкиот регион.
-Работилницата е дел од проектот План за урбана мобилност преку кој сакаме да направиме средини поубави за живеење. Викнавме планери за да видиме како да го трансформираме просторот. Им даваме насока на општините како да разиваат детални и генерални урбанистички планови. Сега се прави само студија каде би можеле и како би можеле ние да го намалиме сообраќајот. Тие работат на транспротниот модел и ќе ни дадат насоки како ние понатаму да го развиваме регионот во насока на развивање на пешачки зони, изјави Фатмир Саити, директор на Центарот за развој на полошкиот плански регион.
Еден од консултантите, Дарко Спасеновски, магистер по сообраќајно-транспортно инженерство од Битола, истакна дека се работи на документ кој што претставува стратегија за цел Полошки регион вклучувајќи ги сите девет општини. Има за цел да ги детектира сите недостатоци од аспект на сообраќајот но и да даде предлози за нивно надминување и решавања на проблемите. Воведување на пешачка зона е прв чекор кој што треба да се направи за подобрување на сообраќајот во Тетово.
-Покрај за решавањето на сообраќаен хаос, најбитно е да се смени начинот на планирање како сега така и во иднина. Треба да добиеме што повеќе пешачки зони, тие треба да ни бидат на прво место,потоа следат велосипедски патеки и ленти и јавниот градски превоз и се останато, како патнички автомобили. Целта на овој план покрај што ќе ја анализира мобилност во цел Полошки регион движење во полошки регион и да дефинира и пешачки зони на ниво на Тетово, централно градско подрачје во Тетово за тоа се прават дополнителни анализи како ќе изгледа. Ние ќе анализираме во транспортен модел како би изгледало, како би се прераспределил сообраќајот, рече Спасеновски.
Градоначалникот на Тетово вели дека самиот сака да има пешачка зона во центарот на градот, но смета дека за тоа треба да гласаат сите граѓани.
-Јас лично би сакал централното градско подрачје да биде ексклузивно за пешаци, за велосипеди, но за тоа треба како град, како граѓани треба да одлучиме затоа што решенијата кои ги разгледуваме сега сепак треба ги ставиме на тест на граѓаните. Затоа што тие што возат барат поголема можност за движење со возила, тие што не возат бараат повеќе комоција, пешаците да се движат. Така да решенијата кои ќе можат да бидат порадикални, како што посочив централното градско подрачје да биде само за пешаци, ако има таков предлог ќе треба да се верифицира од граѓаните, изјави Биљал Касами.
Полошките градоначалници разгледаа искуства од Турција и Словенија како да се подорби сообраќајното и урбаното планирање.
ас