Тетово инфо, 8 март 2024.
Градоначалникот Биљал Касами по идеа на жените вработени во Општината, во центарот на градот и пред општинската зграда денес засадија цвеќе по повод Меѓународниот ден на жената 8 Март.
„По предлог на нашите претставнички од женскиот пол во администрацијата, наместо да им подариме едно цвеќе, излеговме заедно да засадиме трендафили во градот, за тоа да биде подолготрајно и да биде во служба на сите граѓани. Жените даваат придонес во општеството и со овој акт покажаа несебичен гест и во служба на сите граѓани на Тетово. Оваа убавина која ќе биде во центарот на градот ќе ја видат сите жители на Тетово. Им го честитаме празникот со желба да бидат повеќе претставени и повеќе слушнати во општеството и важен дел на општеството“, истакна Биљал Касами.
Во Општина Тетово има околу 98 жени кои се дел од администрацијата наспроти 250 мажи. Од 31 советник, десет се жени. Во јавните претпријатија градинките ги раководи жена, додека од 12 училишта во четири има директорки.
„Застапеноста на жените во општината и во партиите е специфична и релативна. Во училиштата во главно се жени носители на позиции директорки особено во основните училишта каде речиси се сите жени. Ние работиме да има повеќе претставување на жените во сите институции на општина Тетово но сепак тоа е и желба во однос на тоа што можат и што сакаат жените да бидат“, истакна Касами.
Во политиката се внимава на законско решение од 40% застапеност на жените, со обид тој процент да биде и зголемен, истакна градоначалникот.
ас