СВР Тетово ги информира граѓаните дека од 17 до 28 септември полицајците и припадници на резервниот состав ќе вежбаат пукање и затоа ќе се слушаат пукотници. Вежбањето ќе се одвива на повеќе локации во тетовско и гостиварско подрачје.
Полициските службеници и припадниците на резервниот полициски состав на Секторот за внатрешни работи Тетово од 17 до 28 септември оваа година, според веќе утврдениот распоред, ќе го спроведат планираното есенско боево гаѓање.
Зависно од организациската единица, гаѓањето ќе се реализира на стрелиштето „Еребино“, импровизираното стрелиште “Рудина“ во тетовска Волковија, како и на двете импровизирани стрелишта Брана во Маврови Анови и во долнореканското село Аџиевци.
Секторот за внатрешни работи Тетово очекува разбирање од граѓаните за ваквите активности кои се професионална обврска на полициските службеници и припадниците на резервниот полициски состав.
