СВР Тетово информира дека вчера (9 мај) во 13 часот и 40 минути пријавено е дека на 6-ти овој месец на улица „Струшка“ во Тетово, патничко возило, движејќи се наназад, удрило во 62-годишниот Р.И. од тетовско Ѓермо. Притоа, тој се здобил со тешки телесни повреди констатирани во тетовската Клиничка болница каде бил пренесен за укажување на лекарска помош .Увид извршила екипа од СВР Тетово.
Триесет и шестгодишната Ф.Ф. од Тетово вчера (9 мај) во 10 часот и 45 минути во СВР Тетово пријавила дека претходниот ден во домот била физички нападната од тетовецот Н.Х., кој со закана и одзел и пари. Во нападот, според пријавеното, тој користел и дрвен предмет. Се преземаат мерки за расчистување и документирање на случајот.
Вчеравечер (9 мај) околу 21 часот и 50 минути, на улица „Јордан Златановски“ во Тетово, полициски службеници на СВР Тетово го привеле 31-годишниот тетовец Л.Х. затоа што го нарушил јавниот ред и мир и потоа физички го нападнал неговиот 66-годишен татко. Тетовецот Л.Х. задржан е во Полициската станица Тетово и се расчистува и документира случајот.