Ноќеска (2 мај) околу 1 часот и 50 минути на улица „Јордан Златановски“ во Тетово, полициски службеници на СВР Тетово го лишиле од слобода 25-годишниот А.А. од тетовско Јеловјане затоа што кај него била пронајдена и одземена марихуана. Од него, исто така, било одземено и патничко моторно возило „ауди“ без регистарски таблички и со истечена регистрација повеќе од шест месеци. Тој е задржан во Полициската станица Тетово за расчистување и документирање на случајот, по што ќе следува соодветен поднесок.
Полициски службеници на СВР Тетово, вчера (1 мај) околу 11 часот и 10 минути на улица „29 Ноември“ во Тетово го лишиле од слобода 50-годишниот А.Ш. од Република Турција со времен престој во Тетово. При претрес во домот во кој престојувал, извршен со судска наредба, била одземена неговата патна исправа поради сомнение дека е фалсификувана. Поради тоа и затоа што непријавено престојувал на подрачјето, турскиот државјанин е задржан во Полициската станица Тетово. Се расчистува и документира случајот.