Вчера (4 септември) околу 19 часот и 15 минути на крстосницата на улиците „Штипска“ и „Гостиварска“ во Тетово, полициски службеници на СВР Тетово го лишиле од слобода 49-годишниот М.Љ. од тетовско Слатино затоа што кај него бил пронајден и одземен хероин. По задржувањето во Полициската станица Тетово и документирање на случајот против М.Љ. ќе следува поднесок.
На улица „Илинденска“ во Тетово вчеравечер (4 септември) околу 20 часот и 40 минути, полициски службеници на СВР Тетово го лишиле од слобода 32-годишниот тетовец Љ.И. затоа што кај него биле пронајдени и одземени марихуана и нож. Тој е задржан во Полициската станица Тетово и против него ќе следува соодветен поднесок.
Полициски службеници на СВР Тетово, вчеравечер (4 септември) околу 23 часот и 40 минути на улица „Илинденска“ во Тетово ги лишиле од слобода гостиварците Г.Е.(48), Л.Ф.(36) и швајцарскиот државјанин Р.Б.(33). При нивен и преглед на патничкото моторно возило „фолксваген тигуан“ со гостиварски регистарски ознаки, во кое се превезувале, била пронајдена и одземена марихуана, додека на Г.Е. му бил одземен и нож. Тројцата се задржани во Полициската станица Тетово и по целосно документирање на случајот ќе им бидат изготвени поднесоци