Денеска (04 август) околу 03.00 часот, полициските службеници од Полициско одделение Жеровјане ги лишиле од слобода Л.М.(37), И.М.(23) и 22-годишната Ф.М. сите од Тетово.
-Тие се сомничат дека околу 02.35 часот во тетовско Радиовце физички го нападнале А.Р.(30) од с.Радиовце, при што употребиле дрвен и остар предмет. Лицата биле задржани во полициска станица и по целосно расчистување и докумнетирање на случајот, против нив ќе следува соодветен поднесок, информира СВР Тетово.
Вчера (03 август) во 21.10 часот во СВР Тетово, Ш.А.(42) од тетовско Озормиште пријавил дека околу 20.10 часот, поради нерасчистени односи, бил физички нападнат од Р.„Н“. Се преземаат меки за расчистување на случајот, по што ќе следува соодветен поднесок.
Вчера (03 август) во 16.50 часот на автопатот Тетово-Скопје, кај наплатна станица Желино, полициски службеници од Полициското одделение Групчин го затекнале Н.К.(30) од Кичево како се движи по коловозот на автопатот и врши питачање со што го попречувал нормалното одвивање на сообраќајот. Лицето било отстрането и му бил изготвен соодветен поднесок.
