Младиот тетовски писател Јован Илиески во петок ќе го промовира својот најнов шести роман насловен „Татко ми, Босфор“. Промоцијата е закажана за во петок 11 ноември во локалот „Инфинити“, а промотор е Перица Сарџоски.
-Овој роман ве носи на самиот крај од XIX век и почетокот на XXI век, некаде помеѓу современиот свет и почетокот на падот на Oсманлиската држава, каде се случуваат две, навидум различни приказни. Камила Џалал е посветена детективка која ќе го преврти Истанбул за да ја најде причината за смртта на нејзиниот сопруг. Но, Камила Џалал е и девојка која по низа несреќни случаи во нејзиниот живот почнува да станува блиска со луѓето околу султанот во сарајот Јилдиз. Додека се приближува крајот на династијата и соборувањето на султанот Абдулхамид од престолот, на другата страна од времето, Босфор трага да го најде чудовиштето зад серија убиства коишто ја згаснаа светлината на градот. Што имаат заедничко девојките со исто име. И двете живеат за едно нешто. Да ѝ најдат смисла на смртта, се вели во поговорот на романот.
Илиески е автор е на шест книги „Душа на парче хартија“ (2012), „Кругот на животот“ (2014), „Сенки на полноќ“(2016), „Ноќта кога ја напуштив Прага“ (2019), „Соба 610“ (2021) и најновиот „Татко ми, Босфор“, 2022