СВР Тетово информира дека вчера во градот се случила сообраќајна незгода во која е повреден 64 годишен пешак, додека возачот на возилото го напуштил местото. Сообраќајната се случила на улица „Косовска“ околу 11 часот и 40 минути.
-Пријавено е дека на улица „ Тетовo патничко моторно возило удрило во 64-годишниот Т.А. од Тетово, по што го напуштило местото на настанот. Во несреќата, пешакот се здобил со тешки телесни повреди, констатирани во тетовската Клиничка болница. На местото на несреќата увид извршила екипа од Секторот за внатрешни работи Тетово. Се преземаат мерки за пронаоѓање на возилото и расчистување на случајот, се вели во соопштението на СВР Тетово.
Полициски службеници на СВР Тетово вчеравечер (10 јануари) околу 20 часот и 30 минути, во тетовски Пирок, го лишиле од слобода 35-годишниот Ј.С. од ова село затоа што кај него била пронајдена и одземена марихуана. Тој е задржан во Полициската станица Тетово и по целосно документирање на случајот ќе му биде изготвен поднесок.
Вчера (10 јануари) околу 13 часот и 55 минути, на улица „Илинденска“ во Тетово, полициски службеници на СВР Тетово го лишиле од слобода 46-годишниот М.А. од тетовско Вејце, кој претходно бил пријавен од 46-годишниот А.В. од Република Албанија и од поранешна сопруга на М.А. дека се однесувал агресивно кон нив и им се заканувал. Се расчистува и документира случајот и против пријавениот ќе следува поднесок.
Во рамките на планираните активности на СВР Тетово за поголем ред и безбедност во сообраќајот вчера (10 јануари) од 8 до 14 часот спроведена е акциска контрола за првенство на минување, во која вкупно се откриени и санкционирани 11 прекршоци (ТЕ-2 и ГВ-9).Најголемиот број од прекршоците се однесувале на непочитување сообраќајни знаци за првенство и на непропуштање на возило од десна страна. На прекршителите изготвени им се законски предвидените поднесоци и ќе се соочат со парични глоби кои се движат од 45 до 250 евра во денарска противвредност. При контролата, исто така, биле санкционирани и 15 (ТЕ) други видови сообраќајни прекршоци.
Секторот за внатрешни работи Тетово уште еднаш со апел до возачите целосно да ги почитуваат сите сообраќајни правила и прописи и посебно да ја прилагодат брзината според условите на патот. Зашто, ниските температури навечер и наутро причинуваат голомразица на одредени места и коловозите се лизгави, а со самото тоа и ризични по нивната и безбедноста на другите учесници во сообраќајот. Ова, посебно се однесува на оние возачи кои патуваат кон Попова Шапка, Стража, Маврово или во Долнореканскиот регион. Се апелира, исто така, задолжително да се носи зимска опрема ако се патува на овие дестинации и редовно да се проверува техничката исправност на возилата