Националната установа – Библиотека „Кочо Рацин“ од Тетово по повод 23-ти Април – Светскиот ден на книгата и авторското право распиша традиционален Литературен конкурс за најдобри поетски творби за ученици од основните училишта во регионот.
-Литературниот конкурс е на тема „Книгата- извор на знаењето“. Право на учество имаат сите ученици од основните училишта во Тетово и Тетовско. Поетските творби во 3 примероци треба да се испратат во поголем плик. Во помал плик се пишува шифрата со име и презиме на ученикот, темата, училиштето, менторот и контакт телефонски број. Малиот плик се става во поголемиот плик. Поетските творби да се во Word, Times New Roman, фонт 12, информираат од библиотеката.
Поетските творби треба да се достават во библиотеката или да се испратат по пошта на адреса НУ библиотека „Кочо Рацин“ – Тетово, бул Илирија бб, 1200 Тетово најдоцна до 5 април 2023.
ас
