Каратистката Катја Апостоловска како дел од репрезентацијата на Македонија освои трето место и бронзен медал на Балканското карате првенство за кадети, јуниори и У-21 што се одржува во Бар, Црна Гора.
Катја освои трето место во борба за кадети под 47 килограми со следните резултати:
Катја Апостоловска – Александра Јонексу (Романија) 6-0
Катја Апостоловска – Патриција Јуришиќ (БиХ) 0-5
Репсаж – Катја Апостоловска – Екатерина Сакса (Србија) 1-0
За бронза- Катја Апостоловска – Ема Јукиќ (Хрватска) 2-2 (го дели третото место со хрватската каратистка)
Таа е членка на КК Тигар 2003 Беловиште под менторство на тренерот Живорад Мишовски.
Катја беше државен првак во категорија под 47 килограми и како претставник на Македонија минатата недела настапуваше и на Светското првенство што се одржа во турскиот град Коња.
Катја има 15 години и е ученичка во средното градежно училиште „Здравко Цветковски“ во Скопје.
На Балканското карате првенство за кадети, јуниори и У-21 што се одржува во Бар, Црна Гора за Македонија настапуваат 106 каратисти со 118 натпреварувачки влезови. Учествуваат 944 каратисти од 10 држави со 1011 натпреварувачки влезови.
